کراچی: بلدیہ ٹاؤن میں شادی کی تقریب میں فائرنگ سے ایک شخص جاں بحق

کراچی کے علاقے بلدیہ ٹاون میں شادی کی تقریب کے دوران فائرنگ سے ایک شخص جاں بحق جبکہ 7 زخمی ہوگئے۔

ذرائع کے مطابق  لاش اور زخمیوں کو اسپتال منتقل  کردیا گیا۔  پولیس حکام کا کہنا ہے کہ تقریب میں ہوائی فائرنگ کرنے والا شخص فرار ہے۔ فائرنگ کے واقعے کے بعد مشتعل افراد نے ملزم کی گاڑی کو جلانے کی کوشش کی۔

ادھر پولیس نے گلشن اقبال میں نجی کورئیر کمپنی کے دفتر میں ڈکیتی کی کوشش ناکام بنادی، مقابلے کے بعد ایک ملزم کو گرفتار کرلیا گیا جبکہ 2 فرار ہوگئے۔

پاک کالونی میں اسنیپ چیکنگ کے دوران پولیس نے کارروائی کرتے ہوئے منشیات فروش کو گرفتار  کرلیا ۔ ملزم سے آئس برآمد کرلی گی۔

ذرائع کے مطابق ملزم پر منشیات ، اسلحہ اور  پولیس مقابلے کے 10سے زائد مقدمات درج ہیں